شهریار
حیدر بابا دنیا یالان دونیادی
سلیماندان نوحدان قالان دونیادی
اوغول دوغان درده سالان دونیادی
هر کیمسیه هر نه وئریب آلیبدی
افلاطوندان بیر قوری اد قالیبدی
سحر تئزدن ،ناخیر چیلار گلردی
قویون –قوزو دام باجادا ملردی
عمه جانیم کورپه لرین بلردی
تندیرلرین قاوزاناردی توستوسی
چورکلرین ،گوزل اییی ایستیسی
حیدر بابا گویلر بوتون دوماندی
گونلریمیز بیر بیریندن یاماندی
بیر بیریزدن آیریلمایون آماندی
یاخشیلیغی الیمیزدن آلیبلار
یاخشی بیزی یامان گونه سالوبلار