آنا
جمعه, ۶ ارديبهشت ۱۳۹۲، ۰۵:۰۸ ب.ظ
نه دن ساچلارون، آغاریــب آنا
یوخسا باشو وا، قار یاغیب آنا
او گولن یوزون ، سارالیــب آنا
قربانون اولـــوم ،یا لقوز قالموشام
اگنونده لباس ، بیا ضـــدور آنا
اللهیــم آننو وا ، نـه یازدور آنا
مـن تک اوغولا ، نـــــیازدورآنا
اوره گیم دولوب ، چوخ آغلامیشام
عرشه یتیشوب دور آهیم آنا
نه دور گوره سن ،گناهیم آنا
اومیــــدیم آنــا، پناهیــ ـم آنا
گــئد یب پناهیم ،حالا قالمیـــشام
باشیمین تاجی ، اوره گیم آنا
اوده نعمتیم ، چوره گیم آنـــا
غملی گونومده ، دیرگیــم آنا
سن سیز اویمده ،"غریب"اولموشام
۹۲/۰۲/۰۶
سَن گولَندَه غنچه لَه نیر دیلَکلَر
آنام گول آی آنام گول آی آنام گول
سَن گولَنده دَنیز گولور چای گولور
سِوینجی دَن باهار گولور یای گولور
گولوم سَه یَر گونَش گولور آی گولور
آنام گول آی آنام گول آی آنام گول
سَن گولَنده باغلار دُولو بار اُولور
خندان پوستَه، قیزیل آلما، نار اُولور
سَن گولَنده بَختیم مَنلَه یار اولور
آنام گول آی آنام گول آی آنام گول
گول اوزومَه گولوشونَه جان قوربان
سَن گولمَه سَن سُولار گوللَر آنا جان
گول اوزومَه دنیام اُولسون گولوستان
آنام گول آی آنام گول آی آنام گول
...