تورکی بایاتی
من سندن نئجه دویوم.
معناسی بودور کی ایکی سئون عاشیق بیر-بیریندن آیریلانماز.
قیزیل گولو دررلر،
مخمل اوسته سررلر.
خوش اوقیزین حالینا،
سئودیگینه وئررلر.
معناسی بودور کی اوًز مورادینا یئته جکسن
قرنفیل قوتودادی،
خومار گوًز یوخودادی.
غم یئمه غمخار گوًیلوم،
مطلب وئرن خودادی.
معناسی بودور کی آللاهین عئینایتینه اوموت باغلامالییق.
اوتورموشدوم سکیده،
اورگیم سک-سکیده .
اوچ قیزیل آلما گلدی،
بیر گوموش نلبکیده.
معناسی بودور کی خوش خبر گله جک.
آناسی یانار آغلار،
حریفی قانار آغلار.
آنادئیر گوًرچین
تابوتا قونار آغلار.
معناسی بودور کی قیزین آداخلیسینا یامان حادیثه اوز وئره جک.
عزیزیم وطن یاخشی،
کوًینگی کتان یاخشی.
غوربت یئر جنت اولسا،
یئنه ده وطن یاخشی.
معناسی بودور کی سفره گئدن قاییداجاق.
جان قارداش،جانیم قارداش،
آغلادیر جانیم قارداش.
باش قویوم دیزین اوسته،
قوی چیخسین جانیم قارداش.
معناسی بودور کی اوًرگینده کی نیتی یئرینه یئتیرمک چوخ چتیندیر.
آپاردی تاتار منی،
قول ائیلر ساتار منی.
وفالی یاریم اولسا
آختاریب،تاپار منی.
معناسی بودور کی غوربته دوشه جکسن.
مهدی