آذربایجان (آرازاولکسی )

۸ مطلب در خرداد ۱۳۹۲ ثبت شده است

من سندن نئجه دویوم.

معناسی بودور کی ایکی سئون عاشیق بیر-بیریندن آیریلانماز.

قیزیل گولو دررلر،

مخمل اوسته سررلر.

خوش اوقیزین حالینا،

سئودیگینه وئررلر.

ادامه سی وار

۱ نظر ۱۵ خرداد ۹۲ ، ۱۳:۲۸
محمد رضانژاد

دئیرم قبری قازان کاش یورولوب بیر دایانیدی؛

 کفنیم گج یتشیدی؛جسدیم بیر یوبانیدی؛

کفنه بوکممیش ای گول یتیشیب سنده گلیدین؛

حسرتینده سارالان گوزلریمی بیرجه گوریدین

۱ نظر ۰۹ خرداد ۹۲ ، ۱۰:۲۸
محمد رضانژاد

 

burglar ای تف به این شانس...

 
 

گئجه‌نین لاپ او شیرین یوخو گلن زامانی، دووراین یاپیشیغینداکی آغاجدان دیرماشیب ائوین حَیَطینه آتیلدی. سینه-سینه ائوه ساری گئدیب، الین یاپیشاجاغا آتیب قاپینین آچیق اولدوغونو گؤروب، سئویندی!

ایچه‌ری گیرنده، بیر کیشی‌نین اوتاقدا یوخودا اولدوغونو گؤردو. آی‌ین ایچه‌ری‌یه دوشن ایشیغیندا ائوی آلت-اوست ائتدی، آما آپارماق اوچون درده ده‌ین بیرزاد تاپا بیلمه‌دی. اومودو پوزولوب قاچماق ایسته‌دیگی آن، ائو ییه‌سی یوخولو-یوخولو، "آی باشی داشلی اوغرو گون ایشیغیندا من بو ائوده بیرزاد تاپا بیلمیرم، سن، آی ایشیغیندا تاپماق ایسته‌ییرسن؟" دئییب، یورقانی تپه‌سینه چکدی!

یازان: حسین واحدی

۲ نظر ۰۳ خرداد ۹۲ ، ۰۹:۳۷
محمد رضانژاد

 


 هامی نی دیندیردیم، دئدیم« نه اولماق ایسته ییر دینیز؟» بیلمه دیم ندن هئچ کیمسه اوغرو اولماق ایسته مدی؟ اؤز- اؤزومله؛ «چوخ گؤزل یوردوما دوزلوک گلیب دیر، اوغرولار بو یورددان کؤچوب لر، دوزلوک لره یئرلرین وئریب لر، نه گؤزل!» -دئدیم.

سونوندا اؤزومدن سوروشدوم بو سورویو؟ آی اوغلان سن ایسه نه اولماق ایسته ییرسن؟ هئچ بونا بیر آن دا دوشونوبسن می؟ قاییدیب اؤزومه بیله سؤیله دیم:

من اوغرو اولماق ایسته ییرم یوردوما، دام- دوواریندان دیرماشام هر گون، ائلیمین ائولریندن کدری- غمی اؤزومله اوغورلایب آپارام !

اوغرو اولماق ایسته ییرم، گیزلیجه گیرم خالقیمین اورکلرینه، الجک تاخام اللریمه، اورکلریندن کینی- نیفرتی، قازدیریب اؤزومله آپارام!

اوغرو اولماق ایسته ییرم، آخشام اوستو ائولره گئدم، تلویزیونلاری اوغورلایام، بلکه سئوگینی یئرینه قویام، اینسانلار آیریلمایا بیر- بیریندن، فیکیرلر عاییله یانیندا اولا، سریال لار- فیلم لر آرادان گئده، اوشاقلار، عاییله مئیدانا گیره!

اوغرو اولماق ایسته ییرم، دینمه دن، سس سیزجه یوردوما گیرم، هئچ کیم بیلمه دن ائله جه گئدم، کیمسه بیلمه یه آیریلیق نئجه اولدو، کیم اوغور لادی کیم قویمادی قارداش-قارداش دان، آتا- بالادان، باجی- باجی دان آیریلا بیلسین، هئچ کیمه دئمه رم من اوغورلادیم ، من آپارمیشام آیریلیغینیزی، تاپا بیلمه سیز اونو هئچ یئردن، قایتارمارام بیر داها سیزه!

اوغرو اولماق ایسته ییرم، آنا دنیزلرین سویونا گئدیب دنیز بیلمه دن سو لارین قاپام، اؤزومله، قورموش گؤلومه گتیرم، قویمایام قورویا، اورکلر سولا!

اوغرو اولماق ایسته ییرم، قارانلیق دوشنده، گیرم یوردوما، آج لیغی، یوخسول لوغو گؤتوروب قاچام، قویمایام بیر اوشاق آج یاتا بیلسین، حسرت ده قویام یوخسول لوغو من!

اوغرو اولماق ایسته ییرم، من لیغی- غرورو، سوی تاپینماسین، اوغورلاییب آپارام، قویمایام کیمسه دئیه بیرینه من سندن اوستونم، اؤنجه گلمیشم!

اوغرو اولماق ایسته ییرم، گونش چیخمامیش گیرم یوردوما، بوتون دوشمنلیک لری گؤتوروب قاچام، قویمایام ساواشی، قالا یوردوما، یئرینه باریشی- صولحو وئرم من!

 اوغرو اولماق ایسته ییرم، بوتون ساتقین لاری اوغورلایام ائلیمدن، ائلیمده راحاتجا نفسین چکه، قویمایام یارپاقلاری سولا ائلیمین!

اوغرو اولماق ایسته ییرم، بوتون سیلاحلاری یئر اوزوندن اوغورلاماق ایسته ییرم...

اوغرو اولماق ایسته ییرم من، یازیلاریمدان حاققی سیلن اولسا، اونو اوغورلاماق ایسته ییرم من، قویمارام یازیلاریمدان حاق سؤزو سیلینیب آلینسین مندن!

  یازان : حسین واحدی 

۰ نظر ۰۳ خرداد ۹۲ ، ۰۹:۳۳
محمد رضانژاد

 

یاغیش یاغاندا، اوره ییم سیخیلاردی، دئمک اولار دونیا بیله مه دارالاردی، ندنی، گونش اولاندا فوتبال اویناماغا واخت تاپاردیق اولا بیلردی! نه یسه نه بیله یدیم بیر گون ائله بو یاغیش حسرت اولاجاقدیر بیزه! گونشه، دایان، آزجا یاغیش یاغماغا زامان وئر دئمک ایسته ییردیم، بولودلار قاچین گونش دایانیب، سیز یاغاسیز، آغلایین، واخت قورتولماقدادیر، آماندیر یاز – یای – گوز(güz) – قیش دئمه یین، آنجاق یاغیش یاغدیرین...

سئومک آنلامینی  بو دویغولار منه وئردیلر. هئچ نه یی یارادانیمدان سونرا بو قدر سئوه بیلمه میشدیم، هئچ نه یی بو قدر دوشونمه میشدیم، هئچ نه یه بو قدر نیسگیل ائتمه میشدیم...

یارادانیم! سن، ایشیق وئرن کیتابیندا هر ندن چوخ، «من، باغیشلایان و یاخشیلیق ائده نم» دئییبسن و منده بونا اینانیرام، سن سونسوز سئوگیندن و اوجسوز – بیجاقسیز یاخشیلیغیندان بیزه باغیشلایاجاقسان، بیلیرم...

یاغمور، نه اولار دایانمادان، یاغ، بوتون کدریمی سن آلمالیسان، سئوگیمی منه قایتارمالیسان، جانیما جان قاتمالیسان...

یاراداینم، بولودلار، یاغمور، اینسانلار، یارانیش لار و بوتون جانلی و جانسیزلار دویون و آنلایین منیم اورمو گؤلومو...

یارادانیم؛ بوتون سئوگینله قورو سئوگیمی. یاغ یاغیش؛ هئچ دایانما، گؤلوم سنی گؤزله ییر. گونش؛ چیخما هئچ. بولودلار؛ یولو آچین، گلین یوردوما، آغلایین، اؤلو اورمو گؤلومه!!

 یازان: حسین واحدی

۱ نظر ۰۳ خرداد ۹۲ ، ۰۹:۳۱
محمد رضانژاد

اوغلان: آتا، دونیادا اینسانی یاشا‌دان ان بؤیوک ایستک ندیر؟

آتا: اؤولادلاری‌نین ساغ‌لیغینی گؤروب، خوشبخت‌لیک‌لرینه سئوینمک.


اوغلان: بس اؤولادی اولمایان‌لاری حیاتدا یاشا‌دان ان بؤیوک ایستک ندیر؟

آتا: بیلیرسن، اوغلوم، حیاتدا اینسانی یاشا‌دان هر هانسی بیر هیسس‌لردیر. بون‌لار دا شرایطه اویغون اولا‌راق دییشیر. کیمی ائولادینا گؤره یاشاییر، کیمی وار-دؤولته گؤره، کیمسه ده هئچ یاشادیغینی بئله آنلامیر، ساده‌جه حیات یول‌لاریندا سورونور.


اوغلان:آتا دئمه‌لی اینسان نیه گؤره‌سه یاشاییر؟

آتا: بلی اوغلوم، اینسانی حیاتدا یاشا‌دان هر هانسی بیر قوه اولما‌لی‌دیر کی، حیات یول‌لارین‌داکی بوزلو یول‌لاردا بودره‌ییب ییخیلان زامان آیاغا دورماغا مجبور ائدن قوه کمکه گلسین.

اوغلان:بیردن اینسانی حیاتا باغلایان همین قوه اینسانی ترک ائتسه نئجه؟

آتا: باخ اوندا اوغلوم اصل عذاب باشلاییر. نه اوچون یاشادیغینی آنلامیرسان، ساده‌جه وئریلن عؤمورو بیرتهر یاشاماغا چالیشیرسان. اما بو بئله اوزون چکمیر. ایللر اینسانا ان گوج‌لو درمان اولور. یئنی‌دن صیفیردان باشلاییرسان. او خوشبخت آنلارینی یئنی‌دن گئری قایتاراجاغینی اؤزونه سؤز وئریرسن. بزن مومکون اولور، بعضنسه یوخ...


اوغلان: آتا، حیاتدا مومکون اولمایانی مومکون ائتمک مومکوندورمو؟

آتا: اللهین سنه بخش ائتدیگی حیات سنین اؤز علینده‌دیر. ایستییرسن اونو دوزگون یؤنلدیریب ساوادلی بیر شخص اول، اینسان‌لارا خئییر وئر، و یاخود قاتی بیر جانی اولوب حتی والیدئیین‌لری‌نین ده قاتیلینه چئوریل.


اوغلان: آتا، بیر گون گؤزونو آچیب یانیندا اؤلموش وضعیتده اوزاندیغیمی گؤرسن نه هیسس‌لر کئچیررسن ؟

آتا: او نه سؤزدور دانیشیرسان، اوغلوم؟ سنین حیاتین هله قارشیدا‌دیر. سن هله جاوانسان یاشاییب یاخشی ایله پیسی آییرد ائتمه‌لیسن. پیس دوشونجه‌لی اینسان‌لار آراسینا دوشرکن اونلار کیمی پیس اولمایاسان، عکسینه اونلاری یاخشی یولا سؤوق ائده بیله‌سن.


اوغلان: آتا پیسله یاخشی‌نین فرقی نده‌دیر؟ نیه هر زامان نیه‌سه یاخشی، نیه‌سه ده پیس دئییرلر؟

آتا: اوغلوم، هر هانسی بیر حادثه‌نین و اینسانین پیس و یاخود یاخشی آدلاندیریلماسی هر کسین حیاتی درک ائتمه‌سین‌دن آسی‌لی‌دیر. بزن بیرینه یاخشی هیسس‌لر بخش ائدن حادثه‌لر دیگرینه نیفرتینه سبب اولور. بزنسه ده عکسینه...


اوغلان: آتا حیات نه دئمک‌دیر؟

آتا: اینسان حیاتی بیر زنجیره بنزییر. هر حرکت بیر هالقا،هر اویغونلوق ایسه باغلانتییا سبب اولور. زنجیر هالقا‌لاری بیر بیرینه باغلا‌راق اوزانیر. بزن هالقا‌لاردان بیری بالاجا، بزنسه دیگری نیسبتن بؤیوک اولور. هالقا کیمی بیر-بیرینه بنزه‌سه ده آزجا دا اولسا فرقی هیسس اولونور. عؤمور صحیفه‌لری ده بو جوردور. بزن سئوینج ایچینده اولوب فرح دویورسان، بزن ده سیخینتی ایچینده اولوب بیر کونجه قیسیلیرسان.یئنه ده گوج تاپیب آیاغا قالخیرسان، اما سونرا یئنه ده فیکیر اوممانینا قرق اولورسان.

۰ نظر ۰۳ خرداد ۹۲ ، ۰۹:۲۸
محمد رضانژاد

همین چند هفته پیش بود که یک ایرانی داخل بانک در منهتن نیویورک شد و یک بلیط از دستگاه گرفت.

وقتی شمارش از بلندگو اعلام شد بلند شد و پیش کارشناس بانک رفت و گفت که برای مدت دو هفته قصد
 سفرسفر تجاری به اروپا را داره و به همین دلیل نیاز به یک وام فوری بمبلغ 5000 دلار داره

کارشناس نگاهی به تیپ و لباس موجه مرد کرد و گفت که برای اعطای وام نیاز به قدری وثیقه و گارانتی
 داره..

و مرد هم سریع دستش را کرد توی جیبش و کلید ماشین فراری جدیدش راکه دقیقا جلوی در بانک پارک
کرده بود را به کارشناس داد و رئیس بانک هم پس از تطابق مشخصات مالک خودرو بالاخره با وام آقا موافقت کرد آنهم فقط برای دو هفته کارمند بانک هم سریع کلید ماشین گرانقیمت را گرفت وماشین به
 پارکینگ بانک در طبقه پائین انتقال داد..

کارمند بانک هم سریع کلید ماشین گرانقیمت را گرفت وماشین به پارکینگ بانک در طبقه پائین انتقال داد..

خلاصه مرد بعد از دو هفته همانطور که قرار بود برگشت 5000 دلار + 15.86دلار کارمزد وام راپرداخت
 کرد. کارشناس رو به مرد کرد و از قول رئیس بانک گفت "  از اینکه بانک ما رو انتخاب کردید متشکریم "

و گفت ما چک کردیم ومعلوم شد که شما یک مولتی میلیونر هستید ولی فقط من یک سوال برام باقی مانده که
 با این همه ثروت چرا به خودتون زحمت دادین که 5000 دلار از ما وام گرفتید؟

ایرونی یه نگاهی به کارشناس بیچاره کرد و گفت:  تو فقط به من بگو کجای نیویورک میتونم ماشین 250.000 دلاری رو برای 2 هفته با اطمینان خاطر و با فقط 15.86 دلار پارک کنم !!!!!!!!!

 

۰ نظر ۰۳ خرداد ۹۲ ، ۰۹:۰۹
محمد رضانژاد

آپاردی سئللر سارانی

گئدین دئیین خان چوبانا

گلمه‌سین بوایل موغانا

گلسه باتارناحق قانا

آپاردی سئللر سارانی

بیر آلا گؤزلو بالانی

آرپا چایی درین اولماز

آخار سویو سرین اولماز

سارا کیمی گلین اولماز

آپاردی سئللر سارانی

بیر آلا گؤزلو بالانی

آرپا چایی آشدی داشدی

 سئل سارانی قاپدی قاچدی

 هر گؤره‌نین گؤزو یاشدی

آپاردی سئللر سارانی

 بیر آلا گؤزلو بالانی

قالی گتیر اوتاق دوشه

سارا یئری قالدی بوشا

چوبان الین چیخدی بوشا

آپاردی سئللر سارانی

بیر آلا گؤزلو بالانی

 

۱ نظر ۰۱ خرداد ۹۲ ، ۱۸:۳۵
محمد رضانژاد